ودارت الأيام ..
ومرت الأيام ..
ما بين بعاد وخصام ..
وقابلته نسيت إني خاصمته
ونسيت الليل اللي سهرته
وسامحت عذاب قلبي وحيرته
ما أعرفش إزاي كلمته
ما قدرش على بعد حبيبي
أنا ليا مين إلاّ حبيبي
قابلني والأشواق في عينيه
سلم وخد إيدي في إيديه
وهمس لي الحق عليه
نسيت ساعتها بعدنا ليه
فين دموعي عيني اللي ما نامت ليالي
بابتسامة من عيونه نساهالي
أمر عذاب وأحلى عذاب
عذاب الحب للأحباب
ماقدرش أصبر يوم على بعده
دا الصبر عايز صبر لوحده
ما قدرش على بعد حبيبي
أنا ليا مين إلاّ حبيبي
وصفولي الصبر لقيته خيال
وكلام في الحب يا دوب يتقال
أهرب من قلبي أروح على فين
ليالينا الحلوة في كل مكان
مليناها حب إحنا الاثنين
عيني ع العاشقين
حياري مظلومين ع الصبر مش قادرين
ماقدرش أصبر يوم على بعده
دا الصبر عايز صبر لوحده
ما قدرش على بعد حبيبى
ومرت الأيام ..
ودارت الأيام ..
وهل الفجر بعد الهجر بلونه الوردي يصبح
من فرحتي تهت مع الفرحة
من فرحتي لا بنام ولا بصحى
ولقيتني معاه بعيش في ربيع مفيش كده
ين شوق ما ينتهيش وشوق تاني ابتده
ما قدرش أصبر يوم على بعده
دا الصبر عايز صبر لوحده
ما قدرش على بعد حبيبي
أنا ليا مين إلاّ حبيبي
لحنها محمد عبد الوهاب، وغنتها أم كلثوم عام 1970م
ليست هناك تعليقات:
إرسال تعليق