مدونة علمية أدبية شاملة : " لا أحب الكتب لأنني زاهدٌ في الحياة .. ولكنني أحب الكتب لأن حياة واحدة لا تكفيني .. ومهما يأكل الإنسان فإنه لن يأكل بأكثر من معدة واحدة، ومهما يلبس فإنه لن يلبس علي غير جسدٍ واحد، ومهما يتنقل في البلاد فإنه لن يستطيع أن يحل في مكانين .. ولكنه بزاد الفكر والشعور والخيال يستطيع أن يجمع الحيوات في عمرٍ واحد، ويستطيع أن يضاعف فكره وشعوره وخياله كما يتضاعف الشعور بالحب المتبادل، وتتضاعف الصورة بين مرآتين .." العقاد
الأحد، 1 مارس 2015
هتجن - بيرم التونسي ...
هتجن - بيرم التونسي
هتــجن با ريت يا خوانا ما رحـــــتش لــندن ولا باريز
دي بلاد تمدين و نضافة وذو ق ولطافة وحاجة تغيظ
***
ما لاقيــــتش جدع متــعافي وحافي وماشي يقشر خس
ولا شحط مشـــمرخ أفندي معاه عود خلفة ونازل مص
ولا لب أســمر وسوداني وحـــــمص وانزل يا تقزقـــيز
هتــجن با ريت يا خوانا ما رحـــــتش لــندن ولا باريز
***
ولا عركة في نصف الليل دايرة بالحيل وساحبها بوليس
قدامــــها جدع متــــجرجر و شه مــــــعور قال ده عريس
الخلق ما هي بتتـــــجوز واشمــــعنى احنا مفــــيش تمييز
هتــجن با ريت يا خوانا ما رحـــــتش لــندن ولا باريز
***
و لا واحدة في وش الفــجر تيرطع ماليه الدنيا صوات
قال إيه جوز خالـــتي أم أحمد سلـــفة أخوها السيد مات
سبــحانك ما أعــظم شانك والله الموت ده مفـــــيد ولذيذ
هتــجن با ريت يا خوانا ما رحـــــتش لــندن ولا باريز
***
و لا صايع طالع يـــجري وصايع تاني بيــــجري وراه
و يـــقول هأع حصلــــتك يا بن الأبــصر إيه عامـــلاه
لا الشارع غيط يا خوانا ولا احنا بدارى و لا احنا معيز
هتــجن با ريت يا خوانا ما رحـــــتش لــندن ولا باريز
***
ولا حد بيــــبع حاجة يـــــقول بريال و تاخدها بـــصاغ
يا خوانا حــــــتى الإبرة تاخــدها بدوشة وقــــلب دماغ
حلـــفان وعراك ومناهدة ويمكن ضرب كفوف يا حفيظ
هتــجن با ريت يا خوانا ما رحـــــتش لــندن ولا باريز
***
ولا شفتش ده اللي بلاسة وده اللي بعمة وده بطربوش
ملابســنا يا ناس تشكــــيلة تعد أصــحابها ما يتــعدوش
دول ناس كنا أحــسن منـــهم قول ومســــيرنا باذن الله
ليست هناك تعليقات:
إرسال تعليق