قصيدة مَفطوم ع العَصَرْ - للشاعر حسن - لقطع - الفاخري ...

قصيدة مَفطوم ع العَصَرْ 

للشاعر حسن - لقطع - الفاخري



لو مـــــتْتْ ما نأكل الِّلي مــاو طيّب

الخالق غَنِي واللي خَلَق ما يسيّب

لا نأكل المسروقه

و لا نْطارد اللي في  السّبب مَلْحوقه

غني بْصبر واللي صابره مرزوقه

حــــتى لو بــطا خـــــيْر الكريم قْريّب

طــعام الجــــفا  نَقْذاه قـــبل نْذوقه

مَفطوم ع العَصَرْ عايش معاش يخَيّب

لأنــي دلوعِي خَــــطْوتي  مَطْـلوقه

ولأنــي عـــــــقُورالغافْلــــــين نْنَــــيّب

رحــمة الخــالق ما تْجي  من فوقه

على زَرْعـــه اللــي زارع  الشر تغيّب

لا  نوارد  غابي

ولا نَـــشْرب الدّاله  اللـي مـــاي قابي

حتى إن كان في البَيّن رقِيقْ تْرابي

ســــراب قايْلَه ديما البعـــــيد قْرَيّـــب

ورُوس العَرَب هم قرْعْـتي وأصحابي

نشْــــكرهم صحِــــيح ولا علّي تْعّــيب

وذيل العــــرب ما  يعــرفوا باطـــلابي

حتى وهم  خوَاجه هل شُوِي ورْكَيّب

لو متــت ما نَرْضَى أوصـــاف زهــيده

لَجْــواد خيّـــــبوا  لي كل نــوع نريده

بحْــساب يوم رفْقتـــهم سنـــين عَديده

ورفــــقةْ الذّيْلـــــيّه  نهــــــار تْشـــيِّب

بينـــهم مســــــافه واســـــعه وبعــيده

الزّينــــــين للعفْنــــــين  وَيْـــش يجَـيّب

لجــــواد لا رقـــــيق الدَّق نــقّ غَرِيده

سْــــــباع الخلا منـــــهم النـــاس تْرَيّب

لا يَبْـــــخـلوا لا يرْكـــــــبوا القعِــــــيده

يعِـــــير بَكْ اللى منـــهم  تْــقول عْطَـيّب

لا عاد ســـــوط ولا ركــاب يصِــــــيده

على جــــار جـــارْهم  هل عــــناهْ تْهَيب